Agtergrondsgeskiedenis van die Jehovah-Getuies
Noodsaaklike AGTERGROND vir Christene om te weet.
Almal van ons het al van die Jehovah-getuies gehoor en waarskynlik hulle al gesien waar hulle hul blaadjie, Wagtorings of Ontwaak by winkelsentrums verkoop. Baie van ons het al met hulle gepraat om meer van hul te wete te kom. Ander van ons glo dat mens nie met hul moet gesels nie omdat hulle God se Woord op so 'n slinkse manier verdraai.
Tog kan ons hierdie mense nie ignoreer nie. Orals is hul besig om mense op 'n dwaalweg te probeer lei, terwyl hulle self glo dit is die regte (en enigste) weg na Jehovah-God toe. Reeds het hulle in Suid-Afrika 48590 aktiewe verkondigers van hul leer, wat volgens hulle 1991 jaarboek, gesamentlik meer as 11 miljoen ure amptelike verkondigingswerk jaarliks doen. Behalwe hierdie verkondigers, is daar nog duisende ander mense onder hulle invloed. So is hul jaarlikse "herinneringsmaaltyd" (vergelykbaar met wat by ons as "nagmaal" bekend staan) in 1990 in Suid-Afrika deur 130278 mense bygewoon. Wêreldwyd was die bywoning by die 10 miljoen.
WERKSWYSE
Wat die werkswyse van hierdie mense betref, val dit mens op dat hulle twee-twee uitgaan. Hulle glo hul gehoorsaam so Christus se opdrag in Luk. 10:1 om, twee-twee te werk. Sodoende kan hul mekaar bystaan en ook dophou dat een nie oortuig word deur die Christene aan wie se deur geklop word nie. Die beginners word meestal gebruik om die Wagtoring en Ontwaak van deur tot deur te verkoop. Sodoende leer hulle om vrymoedigheid te hê om aan iemand se deur te klop en met hom of haar te praat. Almal wat tydskrifte koop, se adresse word aangeteken vir latere opvolg.
Hierna kry die persoon geleentheid om saam met iemand wat langer in die organisasie is, uit te gaan om met mense te gaan gesels. Hulle word geleer om oor een of ander interessante onderwerp te begin" gesels, en vandaar oor te gaan en 'n gratis Bybelstudie sonder enige verpligting aan te bied. Bekeerde Jehovah-getuies het aan my vertel dat hulle op daardie tydstip gedink het dat so 'n Bybelstudie hulle net goed sou doen en dat hulle tog nie deur die valse leerstellings be�nvloed sou word nie. Tog is hul geleidelik die manier van die Organisasie geleer en het hulle al hoe meer die valse leerstellings begin glo, totdat hul self Jehovah-getuies geword het. Die boekie wat gewoonlik vir die ‘’Bybelstudie" gebruik word, is: "Jy kan vir ewig in die paradys op aarde lewe."
Die belangrikste dwaalleer
Die belangrikste dwaalleer van die Jehovah-getuies kan soos volg saamgevat word:
- Hulle glo nie in God Drie-enig nie. Slegs die Vader is waarlik God.
- Hulle glo dat God die Vader as Jehovah" aangespreek en verkondig moet word, anders weet `Hy nie ons praat met Hom of van Hom nie.
- Hulle glo dat Jesus die aartsengel Migael" is. Hoewel Hy God genoem word, is Hy nie waarlik God nie, maar die eerste skepsel van God.
- Hulle glo dat die Heilige Gees nie ‘n Persoon (iemand) is nie, maar net ‘n werkende krag van God, soos swaartekrag of elektrisiteit. Hulle glo nie dat Jesus aan 'n kruis gesterf het nie, maar net aan 'n regop paal.
- Hulle glo nie dat Jesus uit die dood opgestaan het nie. Hulle glo ook nie dat Hy liggaamlik uit die dood opgewek is nie. Die Vader het Sy liggaam vernietig, en Hom op die derde dag herskep as ‘n gees.
- Hulle glo dat Jesus se wederkoms (Sy sg. teenwoordigwees) reeds plaasgevind het en wel in 1914. In 1919 sou Hy al die w�reldgodsdienste deurgekyk het, en besluit ~ het dat net die Wagtoring-organisasie hom reg dien.
- Die wederkoms van Jesus was eintlik maar net 'n troonsbestyging. Hy sal nooit weer aarde toe kom nie, maar regeer onsigbaar vanuit die hemel, en openbaar Hom deur die groep se "Beheerliggaam". Sodoende is alles wat die groep leer, eintlik die Woord van God.
- Hulle glo nie dat daar ‘n voortbestaan na die dood is nie. As 'n mens sterf, onthou God jou bloot, totdat Hy jou op die oordeelsdag herskep. Mense wat die Jehovah-getuies bestry, sal nie weer opgewek word nie.
- Hulle glo dat die oordeelsdag 1000 jaar lank is. In die 1000 jaar is die Satan gebind en sal almal wat herskep is, help om die aarde op te bou. Na die 1000 jaar sal God weer die Satan loslaat om te kan agterkom wie Hom nie regtig wil dien nie. Hulle sal dan vernietig word.
- Hulle glo nie in die hel nie. Die hel is bloot 'n beskrywing daarvan dat mens nie meer bestaan nie 'n "rusplek vir die dode" (Jy kan vir ewig rus:.. p.89)
- Hulle glo dat slegs 144,000 mense die hemel kan beërwe. Hulle is almal in 1914 hemel toe, behalwe dié van hulle wat nog op die aarde is. Slegs hierdie 144,000 het deel aan die verbond van God, is die bruidskerk van Christus, ensovoorts. Slegs die ongeveer 8,000 wat vandag nog op die aarde oor is, mag nagmaal gebruik. Die 144,000 is hulle middelaar. Hoe hulle teenoor die 144,000 optree, bepaal of hulle die paradys op aarde sal beërwe.
- Die res van die Jehovah-getuies gaan dus nie hemel toe nie, maar gaan die aarde beërwe wat tydens die 1 ,000 jarige oordeelsdag opgebou is. Jesus is nie hulle Middelaar nie. Hy is alleen die Middelaar van die 144,000. Die 144,000 is hulle Middelaar. Hoe hulle teenoor die 144,000 optree, bepaal of hulle die paradys op aarde sal be�rwe.
- Hulle glo dat bloedoortapping, die vier van verjaarsdae en Kersfees verkeerd is. Hulle mag nie in die weermag dien of stem nie. Hulle kinders mag net met Jehovah-getuie kinders speel. Hulself mag niks negatiefs oor die organisasie lees of met ex-lede praat nie.
- Hulle mag nie kerkdienste bywoon nie. Die kerk word as die organisasie van Satan gesien, en kerkbywoning is vir hul geestelike `hoereerdery met die Satan.
- Hulle glo dat die oordeelsdag sal plaasvind voordat die geslag van 1914 uitgesterf het. (Hierdie leerstelling is verander in 1997 - hulle verwys nou na die gebeure van 1914 en nie die persone nie).
GESKIEDENIS
Die stigter van hierdie organisasie was Charles Taze Russell. Vanaf sy jongdae het hy oosterse godsdienste, veral Budhisme, bestudeer. Hy sluit in 1870 by die Adventiste aan, en begin met ses ander 'n tuis-bybelstudie groep. In 1873 (toe 21 jaar oud) publiseer hy sy eerste boekie, waarin hy tot die gevolgtrekking kom dat Jesus se wederkoms onsigbaar sal wees. Saam met N.H. Barbour, publiseer hy in 1876-77 'n boek waarin hul leer dat die gelowiges in 1878 liggaamlik weggeraap sou word. In Julie 1879 druk Russell die eerste 6000 kopie� van "Zion's Watch Tower and Herald of Christ's presence." In 1881 word die "Watchtower Bible and Tract Society" gestig. In 1879 is Russell getroud met Maria F. Akley en in 1908 is hul amptelik geskei.
Na Russell se dood word J.F. Rutherford in 1917 president van die organisasie. In 1920 verskyn sy bekende boek "Millions Now Living Will Never Die" Hierin voorspel hy dat Abraham, Isak en Jakob in 925 na die aarde sal terugkeer. . Daar word selfs in 1929 'n huis vir hierdie terugkerende gelowiges in San Diego gekoop. Eers in 1931 kom die naam "Jehovah-getuies" in gebruik. In 1936 word besluit dat Jesus nie aan 'n kruis nie, maar aan 'n paal
Na Rutherford word Nathan Knorr in 1942 verkies as volgende president: In 1950 verskyn die "New World Translation" van die Bybel, waarin aanpassings gemaak is om die leerstellings van die organisasie te pas. In 1975 verlaat na berekening ongeveer 250,000 lede in Amerika alleen die organisasie, nadat die voorspellings vir 1975 deur die organisasie nie gerealiseer het nie.
Die volgende president is F.W. Franz wat in 1977 by Knorr oorgeneem het. In 1980 was daar ‘n groot opskudding by die Organisasie toe vooraanstaande lede die organisasie verlaat het. Een van hulle was Raymond Franz, 'n lid van die "Governing Body" van die organisasie, en neef van Fred Franz.
Slot
As na die geskiedenis en leerstellings van hierdie organisasie gekyk word, sien mens duidelik dat dit nie van God af kom nie. Aan mense wat daarbinne gevange is, moet die ware evangelie van Jesus Christus verkondig word
Hierdie is die webblad van Dr Hennie van Wyk. Standpunte op hierdie blad is sy eie of die van outeurs wie se werk geplaas word, in watter geval die standpunte die van die genoemde outeur is.